Mignonne, allons voir si la rose
Qui ce matin avoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.

Las ! voyez comme en peu d’espace,
Mignonne, elle a dessus la place
Las ! las ses beautez laissé cheoir !
Ô vrayment marastre Nature,
Puis qu’une telle fleur ne dure
Que du matin jusques au soir !

Donc, si vous me croyez, mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur la vieillesse
Fera ternir vostre beauté.

Auteur : Pierre de Ronsard (1524-1585).

Rédacteur en chef : François P. VALLET, Conférencier, Conseil auprès des PME, groupes, start-ups, et auprès de dirigeants et collectivités.

Cet article Mignonne, allons voir si la rose est apparu en premier sur Actualités en France : Start-ups, PME, Arts, Histoire.